Syi’ir Tawakkal – Oleh KH. M. Djamaluddin Ahmad – Al-Hikam

Syi’ir Tawakkal – Oleh KH. M. Djamaluddin Ahmad – Al-Hikam

Sopo tawakkal ing Pengerane                    Allah nyukupi kekarepane
Tawakkal iku mungguh artine                  Pasrah menyerah ing Pengerane (2x)

Ono tawakkal marang bandane                 Ono tawakkal marang awak e
Ono tawakal podo makhluke                      Iku wong kang bodo akal e (2x)

Tawakkal e wong kang pinter akale          Namung tawakkal ing Pengerane
Iku dawuhe ulama’ shufi                             Hatim al-Ashom iku asmane (2x)

Tawakkal Allah loro wernane                     Tawakkal umum nomer sijine
Tawakkal khusus nomer lorone                 Tawakkal podo bedo carane (2x)

Tawakkal umum kudu mergawe                Supoyo hasil oleh rizkine
Koyo contone kaum petani                         Nyebarke wiji ing duwur bumi (2x)

Sakwuse tandur pasrah atine                     Sarono dungo ing Pengerane
Supoyo hasil akeh panene                          Ugo barokah bondo dunyane (2x)

Tawakkal khusus ora mergawe                  Namung percoyo ing Pengerane
Ugo percoyo marang janji-Ne                    Aweh rejeki ing sopo wae (2x)

Tawakkal khusus duweni tondo                 Kang ono pitu podo ngertio
Naliko luwe gak perlu kerjo                         Naliko loro ora mertombo (2x)

Naliko susah ora ngersulo                            Gak gelem males kang nganingoyo
Ora perduli akehe cubo                                 Marang awake kang lungo teko (2x)

Gak njalok tulung yen dilarani                    Mergo mung pasrah marang Ilahi
Ugo ora dungo marang Ilahi                        Amargo Allah wis mangerteni (2x)